Qyzyn túrmeden shyǵarý úshin 7 mln teńge bergen – elordada is qozǵaldy

NUR-SULTAN. QazAqparat – QR Sybaılas jemqorlyqqa qarsy is-qımyl agenttigi para berýge ıtermeleý faktisimen ustalǵan Nur-Sultan turǵynyna qatysty is qozǵady, dep habarlaıdy QazAqparat tilshisi.

«15 maýsym kúni Nur-Sultan qalasynyń sybaılas jemqorlyqqa qarsy kúres qyzmetkerleri elordalyq áıelge qatysty tergeý amaldaryn bastady. Ol qylmysqa ıtermeleý jáne aldaý jolymen qyzyn túrmeden shyǵaryp almaq bolǵan adamnan 7 mln teńge alý kúdigine ilikti. Bul aqshany para retinde jaýapty memlekettik laýazymdaǵy tulǵaǵa beretinin aıtqan», - dedi QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bekaıdarov agenttiktiń búgingi «Antıkor LIVE» aıdarynda.

Sondaı-aq vedomstvo kúdiktini ustaý barysyndaǵy vıdeony usyndy.