Qyzyn órtep jibergen qaraǵandylyqtar ulyna ata-analyq quqyqtan aıyrylýy múmkin
QARAǴANDY. QazAqparat - Anasy men ógeı ákesi eki jasar qyzdy óltirgeni týraly atyshýly qylmystyq istiń fıgýranttaryna bir jarym jasar ulyna ata-analyq quqyqtan aıyrý jazasy qoldanylýy múmkin, dep habarlady «QazAqparat» HAA tilshisi.
Qylmystyq ister jónindegi mamandandyrylǵan aýdanaralyq sot zalynda sottalýshy Ilıana Dragannyń týǵan qyzy balalar úıinde tárbıelenip jatqanyn aıty, búginde onyń jasy jetide. Ol 3 jasynan bastap balalar úıinde tárbıelenýde.
Jeti jasar qyzdyń bıologııalyq ákesi áıeldi qorǵaýda. «Ilıana - jaqsy ana. Munyń bári araqtyń kesiri. Eger ol menimen qalǵanda, qalypty otbasy bolar edik. Qazir men jumyssyzbyn. Ol abaqtyda. Budan basqa eki bala týdy. Úlken eki jasar qyzy qaza tapty. Kishisin balalar úıine alyp ketti», - dedi burynǵy kúıeýi Nıkolaı Volodov.
Anasyn tutqyndaǵan kezde kishi uly 1 jas on aılyq bolǵan. Ol jarty jyl boldy, balalar úıinde. Ata-analyq quqyqtan aıyrý máselesi úkim jarııalanǵannan keıin sheshiledi.
Sýdıa Islamhan Esenbaev osy is boıynsha tóraǵalyq etýde.
Er adam 99-bapta kózdelgen qylmys jasaǵany úshin aıyptalýda. Áıel 434-bap boıynsha qylmys jasaǵany úshin aıyptalýda.
