Qyzymen ursyp qalǵan elorda turǵyny ol turatyn úıdiń tas-talqanyn shyǵarmaq boldy
NUR-SULTAN. QazAqparat – Elordadaǵy turǵyn úılerdiń birine materıaldyq zııan keltirgen qala turǵyny ustaldy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Baspasóz málimetterine qaraǵanda, 25 jastaǵy Nur-Sultan turǵyny qyzymen janjaldasyp qalǵannan keıin ol turatyn turǵyn úıdiń lıftisiniń paneli men poshta jáshigin syndyrǵan.
Er adamnyń buzaqylyq áreketteri kireberiske ornatylǵan beınebaqylaý kamerasynyń obektıvine túsken.
Atalmysh fakti boıynsha QR ÁQBtK-niń 434-babyna (usaq buzaqylyq) sáıkes ákimshilik óndiristik is qozǵaldy.
Sot sheshimimen quqyq buzýshy qamaýǵa alynyp, Ákimshilik jolmen qamaýǵa alynǵan tulǵalardy ustaıtyn arnaıy qabyldaý ornyna ornalastyryldy.
Polıtsııa departamenti qoǵamdyq tártipti buzý jáne turǵyn úıdiń ortaq múlkin búldirý boıynsha ákimshilik jaýapkershilik týraly eske salady.
