Qyzyljarlyq basketbolshylar 7-respýblıkalyq «Úmit kýbogy» týrnıriniń jeńimpazy atandy

Jarys 24-31 mamyr kúnderi Aqmola oblysy Býrabaı aýdanynyń Şýchınsk qalasyndaǵy «Jaqsy» sport bazasynda ótken bolatyn. Qazaqstan halyq bankiniń «Halyqtyq lıga» áleýmettik jobasy aıasynda uıymdastyrylǵan bul jarysqa 16 balalar úıi men mektep-ınternattarynyń tárbıelenýshileri qatysty. 1995 - 1996 jyldary týǵan jáne odan kishi jasóspirim sportshylar arasyndaǵy bul dodada 1-oryn alǵan qyzyljarlyq basketbolshylar Týrnır kýbogi men altyn medaldy ıelendi. Al Pavlodar men Qostanaı qalalarynyń komandalary 2-3 oryndy bólisti. Sondaı-aq óskemendik Maksım Bogdanov - úzdik shabýylshy, pavlodarlyq Valerıı Rybkın - úzdik qorǵaýshy, semeılik Danııar Bekbaev - úzdik ortalyq oıynshy, pavlodarlyq ıAroslav Ralnıkov - eń úzdik nátıjeli oıyn kórsetken basketbolshy, saıramdyq Yrysbek Sultanov - úsh upaılyq dop laqtyrý boıynsha úzdik oıynshy, qyzylordalyq Nıkolaı Tımoshenko kórermen kózaıymy jáne pavlodarlyq Marat Shuǵabaev úzdik jattyqtyrýshy atandy.

«Halyqtyq Lıga» jobasy boıynsha balalar úıleri men mektep-ınternattarynyń tárbıelenýshileri arasynda ótkizilet «Úmit kýbogi» týrnıri 2005 jylǵy 24 mamyrda Aqmola oblysynyń Jaqsy selosynda uıymdastyrylǵan respýblıkalyq jarystan bastaý alady. 2006 jyly da sol jerde óz jalǵasyn tapqan bul baıraqty báseke 2007- 2008 jyldary «Býrabaı» kýrorttyq-shıpajaı aımaǵyndaǵy «Baldáýren» respýblıkalyq oqý-saýyqtyrý ortalyǵynda ótkizildi. Al 2009 jyly Qostanaı oblysyndaǵy «Sosnovyı bor» shıpajaıynda, 2010 jyly Aqmola oblysy, Býrabaı aýdanynyń Şýchınsk qalasynda ótti. Bul jobaǵa 7 jyldyń ishinde bank 108,2 mıllıon teńge kóleminde qarjy jumsady. Onyń 17 mıllıony bıylǵy jyldyń úlesinde.