Qyzyljarda voleıboldan Joǵary lıganyń “A” tobynda el chempıonatynyń úshinshi týry bastalady
ALMATY. 20 aqpan. QazAqparat - Búgin Qyzyljarda voleıboldan Joǵarǵy lıganyń "A" tobyndaǵy erler komandalary arasynda Qazaqstan chempıonatynyń úshinshi týr oıyndary bastalady. Ol 26 aqpanǵa deıin sozylady.
Buǵan deıin 19-26 jeltoqsanda Temirtaýda ótken 2-shi týrda Shymkenttiń "Dınamo-Qazyǵurt", al 23-29 qarashada Almatyda bolǵan 1-shi týrda jergilikti "Ushkyn-QazUAÝ" jeńimpaz atanǵan bolatyn. Qazir alǵashqy eki týrdyń qorytyndysy boıynsha 38 upaımen 14 kezdesýdiń bireýinde ǵana jeńilis tapqan Shymkent pen Almaty qalasynyń voleıbolshylary týrnır kestesinde qatar kele jatyr. Shymkenttikter kezdesýlerde oınalǵan partııalar men dop aıyrmasy boıynsha ǵana almatylyqtardan sál basym túsýde. Olardan 8 upaıy kem Óskemenniń "Shyǵys-QorǵasynQurylys-2" komandasy úshtikti túıindeýde. Al "Pavlodar-2" - 23, "Esil-Vıktorııa" (Qyzyljar) - 11, "Semeı" - 10 jáne "VSMK ArselorMıttal" (Temirtaý) men «Jaıyq-Kondensat» (Oral) - 9 upaımen 3-8 oryndy ózara bólisýde.
Úshinshi týr Almaty men Pavlodar, Óskemen men Oral, Shymkent pen Temirtaý, Semeı men Qyzyljar voleıbolshylary arasyndaǵy oıyndarmen bastalady. Buǵan deıin óz qarsylastaryn almatylyqtar men shymkenttikter 3:0 jáne 3:1, óskemendikter 3:2 jáne 3:0 etip utsa, semeılikter bir oıynda 3:1 esebimen basym túskenimen6 ekinshisinde 0:3 bop oısyraı jeńilgen edi.
