«Qyzyljar» tórt týrdan keıin jeńiske jetti

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginde petropavldyq «Qyzyljar» tórt týrdan keıin jeńiske jetti, dep habarlaıdy QazAqparat tilshisi.

Petropavldyq komanda búgin, 2 shildede 13-týrdyń keıinge qaldyrylǵan kezdesýinde óz alańynda Almatynyń «Qaıratyn» qabyldady.

Ótken týrda «Qyzyljar» atalǵan qarsylasynan 0:3 esebimen jeńilip qalǵan edi.

Sol ketken eseni olar búgingi oıynda qaıtarýǵa tyrysty. Alǵashqy mınýttan qarsylastar qaqpasyna shabýyldy údete tústi.

Nátıjesinde olardyń qatarynan Maksım Chıkanchı 7, Evgenıı Berezkın 17- mınýttarda mergendik tanytty.

Oǵan «Qaırat» sapynan 61-mınýtta Ádilet Sádibekov bir golmen jaýap qaıyrdy.

Osylaısha «Qyzyljar» qarsylasynan 2:1 esebimen basym tústi. Týrnır kestesinde «Qaıratty» artqa tastap, tórtinshi orynǵa kóterildi.

Endi 14 týrda 20:00-de «Tobyl» (Qostanaı) men «Atyraý» (Almaty), «Ordabasy» (Shymkent) men «Aqsý» (Pavlodar oblysy) kezdesedi.

Sondaı-aq, 13-týrdyń keıinge qaldyrylǵan taǵy bir oıynynda 19.00-de «Kaspıı» (Aqtaý) men «Astana» oınaıdy.

Eske salsaq, 1 shildede óz alańynda «Maqtaral» «Aqtóbeden» - 1:2, «Jetisý» «Shahterden» - 1:3, «Qaısar» «Oqjetpesten» 0:1 esebimen jeńildi.