«Qyzyljar» premer-lıgadaǵy ekinshi jeńisinen keıin 5-orynǵa kóterildi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 2-týry máresine jetti, dep habarlaıdy QazAqparat tilshisi.

«Atyraý» óz alańynda Qyzylordanyń «Qaısaryn» qabyldady.

Oıyn barysynda qyzylordalyq klýb sapynan Vasılıı Sovpel 4-mınýtta esep ashty.

Oǵan «Atyraý» komandasynan Evgenıı Kozlov 31, Igor Stasevıch 45-mınýtta eki golmen jaýap qaıyrdy.

Osylaısha atyraýlyq ujym qarsylasynan 2:1 esebimen basym tústi.

Al Petropavldyń «Qyzyljary» eki oıyn qatarynan 1:0 esebimen jeńiske jetti. Bul joly olar Túrkistan oblysynyń «Maqtaralyn» tize búktirdi.

Atalǵan týrda 9 naýryzda syrt alańda «Astana» «Jetisýdy» 2:0, «Ordabasy» «Shahterdi» 4:1, «Qaırat» «Aqsýdy» 3:1 esebimen súrindirdi.

Al «Aqtóbe» óz alańynda «Oqjetpesten» 5:1 esebimen basym tústi.

Sondaı-aq, 10 naýryzda «Tobyl» syrt alańda «Kaspııden» 1:0 esebimen jeńip ketti.