«Qyzyljar» men «Shahter» teń tústi

ASTANA. QazAqparat - Búgin fýtboldan premer-lıga komandalary arasyndaǵy el birinshiligi 19-týrynda taǵy bir oıynnyń nátıjesi belgili boldy, dep habarlaıdy QazAqparat tilshisi.

Bul kezdesýde Petropavldyń «Qyzyljary» men Qaraǵandynyń «Shahteri» sheberlik baıqasty.

Oıyn barysynda komandalar bir-biriniń qaqpasy mańynda jıi boı kórsetti. Nátıjesinde 8-mınýtta qaraǵandylyq klýb sapynan Ivan Svırıdov mergendik tanytty.

Oǵan 33-mınýtta «Qyzyljar» fýtbolshysy Evgenıı Berezkın bir golmen jaýap qaıyrdy.

Osylaısha komandalar 1:1 esebine qanaǵat bildirdi.

Endi 19:00-de «Qaırat» (Almaty) pen «Tobyl» (Qostanaı) kezdesedi.

Atalǵan týrdy 21:00-de «Qaısar» (Qyzylorda) men «Ordabasy» (Shymkent), «Aqsý» (Pavlodar oblysy) men «Aqtóbe» túıindeıdi.

Al 12 tamyzda «Oqjetpes» «Jetisýdy» 2:1, «Atyraý» «Kaspııdi» 1:0 esebimen tize búktirdi.

Atalǵan týrdyń 10 mamyrynda aldyn ala ótkizilgen oıynda «Maqtaral» (Túrkistan oblysy) elordalyq «Astanaǵa» 0:1 esebimen jol bergen edi.