«Qyzyljar» - «Aqjaıyq» matchy Petropavldan elordaǵa aýystyryldy
NUR-SULTAN. QazAqparat – Fýtboldan Qazaqstan kýbogy úshin ótetin «Qyzyljar» - «Aqjaıyq» matchy Petrovaldan elordaǵa aýystyryldy, dep habarlaıdy QazAqparat tilshisi.
Qazaqstan kásibı fýtbol lıgasy saıtynan alynǵan málimetke qaraǵanda, UEFA Konferentsııa lıgasynyń irikteý matchynan keıin oralýdyń qıyndyǵyn alǵa tartqan «Qyzyljar» fýtbol klýby osyndaı ótinish túsirgen.
Lıga ákimshiligi ótinishti qarap, oıyndy Petropavldan astanaǵa aýystyrýǵa kelisim berdi.
Match 31 shilde kúni elorda ýaqytymen saǵat 15.00-de bastalady.
Eske sala keteıik, budan buryn Qazaqstan kýbogy úshin «Qyzyljarmen» ótken oıynda «Aqjaıyqtyń» qatarynan ekinshi jeńisine qol jetkizgenin jazǵan bolatynbyz.
Sondaı-aq qazaqstandyq komandalardyń Konferentsııa lıgasyndaǵy qarsylastary belgili boldy.
Ótken túnde «Qyzyljar» syrt alańda Horvatııanyń «Osıek» komandasyn 2:0 esebimen utyp, Konferentsııa lıgasynyń úshinshi irikteý satysyna joldama alǵan edi. Osy oıynda «Aqjaıyqtyń» burynǵy fýtbolshysy, ótken jyly Qazaqstan quramasy sapynda dop tepken Erkin Tapalov erekshe kózge túsip, birinshi goldyń soǵylýyna uıytqy boldy.
Foto: dordtsport.nl
