Qyzylshamen aýyrý deregi bıyl tirkelgen joq - DSM

NUR-SULTAN. QazAqparat – Alty aıdyń ishinde Qazaqstandaǵy bir jasqa tolmaǵan balalardyń 51 paıyzy vaktsınatsııadan ótken, dep habarlaıdy QazAqparat tilshisi.

Bul týraly QR Densaýlyq saqtaý mınıstri Ajar Ǵınııat ortalyq kommýnıkatsııalar qyzmetinde BAQ ókiliniń suraǵyna bergen jaýabynda aıtty.

«Bıyl qyzylshamen aýyrý deregi tirkelgen joq. Byltyr eki jaǵdaı bolǵan. Al, 2020 jyly órshý baıqalyp, 3 myńnan astam derek tirkelgen bolatyn», - dedi Ajar Ǵınııat.

Onyń sózine qaraǵanda, qyzylshaǵa qarsy vaktsınatsııa josparǵa saı ótip jatyr.

«Alty aıdyń ishinde 1 jasqa tolmaǵan balalardyń shamamen 51%-y vaktsınatsııadan ótti. Al, 6 jasqa deıingi balalardyń 60%-y ekpe aldy. Bul halyq arasynda, ásirese balalardyń arasynda ımmýnıtet qalyptastyrýǵa qajetti mólsher», - dedi mınıstr.

Onyń aıtýynsha, elimizde 400-den astam bala koronavırýspen aýyryp jatyr.

«Jyl basynan beri koronavırýspen 6 myńnan astam bala aýyrdy. Qazirgi tańda aýrýhanalarda 423 bala emdelip jatyr. Árbir balanyń densaýlyǵyn mınıstrliktiń deńgeıinde qarap otyramyz. Jedel shtabymyz bar ekenin, balalardyń densaýlyǵy únemi qaralyp otyratynyn aıtqan bolatynmyn», - dedi vedomstvo basshysy.