Qyzylshaǵa qarsy vaktsınanyń kórsetkishteri normatıvterge saı

ASTANA. QazAqparat - Qazaqstanda jasóspirimderdi ımmýnızatsııalaý úshin qoldanylatyn qyzylshaǵa qarsy vaktsınanyń fızıkalyq-hımııalyq jáne bıologııalyq kórsetkishteri normatıvtik talaptarǵa saı. Mundaı qorytyndyny Dárilik zattardy, medıtsınalyq maqsattaǵy buıymdardy jáne medıtsına tehnıkasyn saraptaý ulttyq ortalyǵynyń mamandary jasady.

«Ortalyq málimetteri boıynsha, Serum Institute of India (Úndistan) óndirgen qyzylshaǵa qarsy monovaktsınanyń eritkishpen qosa 16 fızıkalyq-hımııalyq jáne bıologııalyq kórsetkishteri boıynsha synaqtan ótti. Synaq qorytyndylary normatıvtik qujattyń talaptaryna saı ekenin kórsetti.«Identıfıkatsııalaý» jáne «erekshe belsendiligi» kórsetkishteri boıynsha synaqtardyń ótkizilýin qosymsha baqylaý úshin «Serum Institute of India LTD» óndirýshi «Vero» jasýshalarynyń reagentteri alyndy. Synaq qorytyndylaryn 2015 jylǵy 20 sáýirde alý josparlanýda», - delingen QR Densaýlyq saqtaý jáne áleýmettik damý mınıstrliginiń habarlamasynda.

Búkil álemdegi qyzylsha dertiniń taraýy boıynsha kúrdeli epıdemıologııalyq jaǵdaı eskerilip, QR Bas memlekettik sanıtarlyq dárigeriniń 2015 jylǵy 15 qańtardaǵy qaýlysymen 15 jáne 19 jas aralyǵyndaǵylar qyzylshaǵa qarsy qosymsha ımmýnızatsııalaýdy ótkizý týraly sheshim qabyldanǵany jóninde buryn habarlanǵan.

QR Ulttyq ekonomıka mınıstrliginiń Tutynýshylardyń quqyqtaryn qorǵaý komıteti qyzylshaǵa qarsy satyp alynǵan monovaktsınanyń kólemin, suranysyn, tehnıkalyq sıpattamasyn anyqtady. Qyzylshaǵa qarsy vaktsınatsııalaýdy júzege asyratyn densaýlyq saqtaý uıymdaryn qosymsha ımmýnızatsııalaýdy ótkizý kezeńinde jospardan tys tekserýdi uıymdastyrǵan kezde vaktsınanyń «salqyndatý tizbegin» saqtaý jáne tasymaldaý erejeleriniń buzylýy anyqtalǵan joq.