Qyzylshaǵa qarsy ekpe oqýshylarǵa ata-analarynyń kelisimimen ǵana jasalady
«Bizge vaktsınatsııaǵa qatysty kóptegen suraqtar túsip jatyr. Túsindire keteıin: 1 sáýirden bastap osyǵan deıin ekpe jasalmaǵan jáne 5 jasqa deıin ekinshi ekpeni almaǵandarǵa vaktsınatsııa jasalady. Sonymen birge, qyzylsha boıynsha aýrýlarǵa jaqyn júrgen jáne emhanalardyń medıtsınalyq qyzmetkerleri men epıdemıologtary aıqyndaǵan mektep oqýshylary vaktsınatsııamen qamtylatyn bolady. Bul rette mektep oqýshylaryna ata-analary men asyrap alýshylardyń jazbasha túrdegi kelisimderi arqyly ekpe jasalatynyn aıta ketkim keledi. Jazbasha kelisimnen keıin 72 saǵattyń ishinde vaktsınatsııa alý úshin emhanaǵa kelý kerek», - dep jazady Jandarbek Bekshın feısbýk paraqshasynda.
Eske sala ketsek, eki kún buryn OKQ-da ótken baspasóz máslıhatynda QR Bas memlekettik sanıtarlyq dáriger Jandarbek Bekshın Qazaqstanda 1 sáýirden bastap qyzylshaǵa qarsy vaktsınatsııa júrgiziletinin málim etken bolatyn.
«Onyń basty maqsaty - halyqtyń ımmýnıtetin kóterip, qyzylsha aýrýynyń taraýyna jol bermeý. Sondyqtan, qazir vaktsınatsııaǵa úsh táýekel toptaryn engizdik. Onyń ishinde birinshi osy topqa enetinder - 1 jastan kishi balalar. ıAǵnı, 9 aıdan bastap balalarǵa vaktsına egiledi. Buryn egilmegen, qyzylshamen aýyrmaǵan, 5 nemese odan da kóp jyl buryn tek bir ekpe alǵandarǵa da vaktsınatsııa júrgiziledi. ıAǵnı, olar - 30 jasqa deıingi azamattar. Úshinshiden, medıtsına qyzmetkerleri. Sebebi, barshamyzǵa málim, bul toptaǵy adamdardyń aýrýlardyń arasynda jumys isteıdi», - dedi Jandarbek Bekshın.
Onyń aıtýynsha, Qazaqstanda qyzylshaǵa qarsy vaktsınatsııadan bas tartý - osy aýrýǵa shaldyǵýǵa yqtımaldylyqty úsh eseleıdi.