Qyzylshadan byltyr kóz jumǵan balalarǵa vaktsınatsııa jasalmaǵan - dáriger
«Bir ǵana mysal keltireıin. Men qyzylsha, polıomıelıt, dıfterııa, týberkýlezge qarsy vaktsınatsııa týraly aıtyp otyrǵan joqpyn. Ol másele tipti de talqylanbaýy kerek. Men balalaryma, nemerelerime ekpe jasattym. Mindetti vaktsınatsııadan ótkize beremin de. Ekpeden qaýipti jaǵdaı týyndasa men olardyń basyn qaýipke tiger me edim. Byltyr qyzylshadan kóz jumǵan balalardyń bárine buryn ekpe jasalmaǵan bolyp shyqty. Ata-analar nelikten úndemeıdi? Mindetti degen sózdi májbúrli dep túsinbeýimiz kerek. Covid19 aýrýyna qarsy vaktsınatsııa da mindetti bolady degen sybys shyǵyp jatyr. Meniń oıymsha, JRVI týyndatatyn vırýstar ylǵı mýtatsııaǵa ushyraıtyndyqtan, bul múmkin emes. Tumaý vırýsyna qarsy mindetti vaktsınatsııanyń bolmaýy da osyǵan baılanysty», - dep jazady ortalyq basshysy Facebook-tegi paraqshasynda.
B.Baımahanov Densaýlyq saqtaý mınıstrligi jáne medıtsına qyzmetkerleri «halyqqa qarsy» Kodeksti daıyndady dep aıyptaǵan «belsendiler» týraly aıtady.
Onyń sózinshe, medıtsınalyq orta ókilderi birneshe ret «aqsha tólengen» blogerler týraly aıtyp qalǵan. Ortalyq basshysy bul sybysty negizsiz dep eseptemeıtin kórinedi. Dárigerdiń paıymynsha, buǵan deıin «ádilettilik úshin kúreskerler» elimizde jaqsy damyp kele jatqan – transplantologııa salasyn da toqtatyp tastaǵan. Buǵan deıingi jyldary Qazaqstanda aǵzany aýystyrý boıynsha 300 operatsııa jasalyp kelse, bıylǵy jyldyń basynan otalar sany 34-ten aspaǵan. Al bir jyldaǵy qajettilik 3 myń operatsııany quraıdy.
«Endi olar mindetti vaktsınatsııaǵa qarsy shyǵyp jatyr. Al órkenıetti elderde mindetti vaktsınalaý baıaǵydan bar. Eń aldymen, V gepatıtine qarsy mindetti vaktsınatsııa týraly aıtqym keledi. V gepatıti – baýyrdy zaqymdaıtyn vırýsty ınfektsııa, densaýlyq saqtaý salasynyń basty problemasynyń biri. Búkil álemde 257 mln adamda HBV sozylmaly ınfektsııasy bar. Jyl saıyn osy aýrýdyń kúrdelenýinen, baýyr berishinen, gepatotsellıýlıarly obyrdan (Global hepatitis report 2017, WHO) álemde 686 myń ólim jaǵdaıy tirkeledi», - deıdi ol.
Bolatbek Baımahanov V vırýsty gepatıtin aldyn alýdyń birden-bir joly – vaktsınatsııa ekenin atap ótedi. Sebebi vaktsına egý qaýipsizdiktiń joǵary dárejeligimen, tıimdiligimen erekshelenedi.
«1986 jyldan bastap qoldanysqa engizilgen V gepatıtine qarsy vaktsınatsııa sıntetıkalyq jolmen jasalady. Osynyń arqasynda búkil álemde gepatıtke shaldyǵý deńgeıin 30 ese azaıtyp, ólimdi 85-90 paıyzǵa deıin qysqartýǵa múmkindik týdy. Vaktsınatsııa baǵdarlamasy bastalǵaly beri balalardyń gepatotsellıýlıarly kartsınomaǵa shaldyǵý deńgeıi 25 paıyzǵa azaıdy. V gepatıtine qarsy vaktsına – «obyrǵa qarsy» alǵashqy vaktsına retinde tanymal. Sebebi ol obyrǵa aparyp soǵatyn V gepatıtiniń aldyn alady. Qazirgi tańda Qazaqstan áli kúnge deıin HBV ınfektsııasynyń taralýy boıynsha álemde aldyńǵy qatardaǵy memleket retinde qalyp otyr», - deıdi ol.
Ortalyq basshysy Qazaqstandaǵy árbir azamat V gepatıtine qarsy vaktsınany qabyldaýy kerek dep esepteıdi.