Qyzylsha týraly keńes beretin call-ortalyqtar nómiri jarııalandy
Qoǵamdyq densaýlyq saqtaý komıtetiniń habarlaýynsha, call-ortalyqtarda dárigerler táýlik boıy jumys isteıdi, olar halyqtyń suraqtaryna jaýap berip, qyzylshanyń aldyn alý jóninde keńes beredi.
QR óńirlerindegi call-ortalyqtar tizimi 
Komıtet qyzylsha aýrýynyń 67% ekpe salynbaǵan balalar arasynda tirkelgenin atap ótti. Sondaı-aq, aýrý oshaqtary men josparly ekpe úshin vaktsınalar jetkilikti. Qajet bolǵan jaǵdaıda vaktsınanyń qosymsha kólemi satyp alynady.
QR DSM Qazaqstanda qyzylshamen syrqattaný jaǵdaıynyń jıileýine baılanysty, balalarǵa muqııat bolýdy ótindi.
Qyzylsha - dene qyzýynyń 38-40° S-qa deıin kóterilýimen, jalpy ýlanýmen, shyryshty kóz, muryn, jutqynshaq, joǵarǵy tynys alý joldaryndaǵy qabyný qubylystarymen, keıinnen bórtpeniń paıda bolýymen sıpattalatyn ınfektsııalyq aýrý. Naýqastyń boıynda álsizdik paıda bolyp, bas aýyryp, tábeti tómendeıdi, uıqysy buzylady. Denege qyzǵylt nemese qyzyl daq túrinde bórtpeler shyǵady.
Infektsııa kózi - naýqas adam. Vırýs aýa-tamshy joly arqyly, túshkirgende, sóılegende taralady. Aýa aǵymymen vırýs aıtarlyqtaı qashyqtyqqa taralýy múmkin. Naýqas bolǵan úı-jaıdyń aýasymen tynys alǵanda qyzylsha juǵýy múmkin. Eger adam qyzylshamen aýyrmasa jáne osy ınfektsııaǵa qarsy egilmegen bolsa, onda naýqaspen baılanysta bolǵan 100% jaǵdaıda juǵý oryn alady.
Qyzylshamen syrqattanǵan kezde kúrdeli asqynýlar paıda bolýy múmkin. Olarǵa ókpeniń qabynýy (pnevmonııa), orta qulaqtyń qabynýy (otıt), keı jaǵdaıda entsefalıt (mıdyń qabynýy) tárizdi óte kúrdeli jaǵdaılar jatady. Qyzylshamen aýyryp saýyqqannan keıin uzaq ýaqyt boıy (2 aıǵa deıin) ımmýnıtettiń tómendeýi baıqalady, sondyqtan bala qandaı da bir sýyq tııý nemese vırýstyq aýrýmen aýyrýy múmkin, sol sebepti ony shamadan tys júktemeden, múmkindiginshe naýqas balalarmen qarym-qatynastan qorǵaý qajet.