Qyzylsha aýrýy: Vırýstyń jańa túrleri naýqastardyń kóbeıýine yqpal etti
Ótken jyldyń 1 qarashasynan beri Qazaqstanda qyzylshamen aýyrýdyń 1644 jaǵdaıy tirkelgen.
«Qyzylsha aýrýyna qarsy jumystardy 1 qarashada bastadyq. Bul aýrý qys pen kóktemde órshıdi, sebebi kóktemde ımmýnıtet álsirep, juqpanyń taralý yqtımaldyǵy artady. Bıylǵy vaktsına egilmegen áıelderden týǵan balalar jıi aýyryp jatyr. Bizdiń joǵary tehnologııalar vırýstyń genomyn zertteýge múmkindik berdi. Qazaqstanda eshqashan tirkelmegen, eýropalyq kontınentten kelgen vırýstardy anyqtadyq. Demek, bizdiń ımmýnıtet bul ınfektsııany tanymaıdy. Sondyqtan, vaktsına egilmegen balalardyń ımmýnıteti zardap shegedi. Vırýstyń jańa túrleri naýqastardyń kóbeıýine ákep soǵady», - dedi Jandarbek Bekshın.
Onyń aıtýynsha, vaktsına egilgenderdiń ımmýndyq jady saqtalady, biraq ımmýnıtet álsirese, bul adamdar da aýyrýy múmkin.
Sonymen birge, dáriger JRVI men tumaý boıynsha epıdemıologııalyq jaǵdaı týraly baıandady.
«JRVI men tumaý jyl saıyn bolatyn maýsymdyq aýrýlar. Jyl saıyn 1 qazannan bastap, monıtorıng júrgizemiz. Tumaýǵa beı-jaı qaraýǵa bolmaıdy. Ózge juqpalarmen salystyrǵanda, tumaý asqyndyratyn qaýip kóp. 31 qańtarǵa deıingi aralyqqa kelsek, JRVI aýyratyndar sany ótken jylǵy naýqastardan 15% azaıǵan», - dedi Jandarbek Bekshın.