Qyzylordanyń jas shahmatshylary el birinshiliginde jaqsy nátıje kórsetti
QYZYLORDA. QazAqparat - 8-20 naýryz aralyǵynda Aqmola oblysy Býrabaı kýrorttyq aımaǵynda shahmattan 8-18 jas aralyǵynda uldar men qyzdar arasynda Qazaqstan chempıonaty ótýde.
Qyzylorda oblystyq dene shynyqtyrý jáne sport basqarmasynyń baspasóz qyzmetinen habarlaýynsha, el birinshiliginiń aıtýly synynda shahmattyń klassıka túri boıynsha baq synaǵan Syr óńiriniń komandasy jalpykomandalyk esepte joǵary kórsetkishke qol jetkizdi.
12 jasqa deıin qyzdar arasynda Nazerke Nurǵalı chempıon atansa, uldar arasynda Sultan Amanjol 2 oryndy ıelendi.
14 jasqa deıin qyzdar arasynda Ásel Serikbaı top jarsa, kúmis júlde Sakypjamal Barmaǵanbetovanyń enshisinde.
Sportshylar erteń shahmattyń rapıd túri boıynsha, 20 naýryzda blıts boıynsha synǵa túsedi.
