Qyzylordanyń «Zenit» komandasy ÝEFA chempıondar lıgasyna joldama aldy
QYZYLORDA. QazAqparat - Ońtústik Qazaqstan oblysynyń Shymkent qalasynda shaǵyn fýtboldan áýesqoılar arasynda QR V chempıonaty ótti. Jarysqa Astana, Almaty qalalary men barlyq oblystardan 20 komanda, 300 sportshy sheberlik baıqasty.
El chempıonatyna Qyzylorda oblysynan «Zenit» jáne «Kapstroı» fýtbol komandalary qatysty. Sonyń ishinde «Zenit»komandasy 3-oryndy ıelenip, kelesi jyly Serbııada ótetin ÝEFA chempıondar lıgasyna joldama aldy. Bul týraly QazAqparat tilshisi oblystyq dene shynyqtyrý jáne sport basqarmasyna silteme jasap habarlady.
«Zenit» fýtbol komandasy 2015 jyly quryldy. Komanda jetekshisi - Rýslan Toǵyzbaev. Komanda QR chempıonattarynda birneshe márte óner kórsetti. Aıta keteıik, bul - komandanyń alǵashqy jetistigi.
