Qyzylordanyń úsh aýdany ekken kúrish Qazaqstan naryǵyn túgel qamtıdy – Qyrymbek Kósherbaev
ASTANA. QazAqparat - Sońǵy bir jylda Qyzylorda oblysy aýyl sharýashylyǵy ónimderiniń eksporty 48 paıyzǵa, al kúrish eksporty - 53 paıyzǵa artty, dep habarlaıdy QazAqparat.
Bul týraly Qyzylorda oblysynyń ákimi Qyrymbek Kósherbaev QR Úkimetinde ótken baspasóz máslıhatynda málim etti.
«Qyzylordanyń úsh aýdany jınaǵan 360 myń tonna kúrish tutas Qazaqstan naryǵyn qamtı alady. Al biz bıyl 500 myń tonna kúrish jınadyq. Qalǵan kúrishti Iranǵa tasymaldaý biz úshin óte tıimdi. Sebebi Iran - jylyna 3 mln tonna kúrish ımporttaıtyn el. Ondaǵy kúrishtiń baǵasy bizdikinen 10 ese qymbat», - dep túsindirdi óńir basshysy.
Ákimniń habarlaýynsha, osy aptada Qyzylorda kásipkerleri Iranǵa saparlaıdy. Onda Iran aýylsharýashylyǵy mınıstrligimen kelissózder júrgizip, aýyl sharýashylyǵy ónimderin óńdeý salasynda uzaq mezimdi kelisimge qol qoıýdy josparlanǵan.
Sonymen birge, oblysta aýyl sharýashylyǵy ónimderin satý naryǵyn keńeıtý boıynsha jumystar júrgizilýde. Atap aıtqanda, jylyna Qytaıǵa jylyna 5 myń, Túrkııaǵa 1 myń jáne Iranǵa 8 myń tonna kúrish jiberý boıynsha kelissózder júrgizilgen.
