Qyzylordanyń stýdentter teatry halyqaralyq festıvaldiń júldesin aldy (FOTO)
ASTANA. QazAqparat - M.Mámetova atyndaǵy Qyzylorda gýmanıtarlyń kolledjiniń úshinshi kýrs stýdentteri Almaty qalasynda ótken stýdenttik teatrlardyń halyqaralyq festıvalinde «Etıýd» nomınatsııasy boıynsha júldege ıe boldy. Bul týraly Qyzylorda oblysy ákimdiginiń resmı saıtynda habarlanǵan.
Sondaı-aq, kolledjiń stýdenti - Kúnimgúl Myrzabaeva «Án salǵan aktrısa» atty nomınatsııada úshinshi oryn ıelendi.
Jalpy, kolledj stýdentteri teatrlarynyń І halyqaralyq teatr festıvalin KSRO-nyń halyq ártisi Qaýken Kenjetaevtyń 100 jyldyǵyna oraı T.Júrgenov atyndaǵy Qazaq ulttyq óner akademııasy uıymdastyrǵan.
Halyqaralyq teatr festıvaline Frantsııa, Mysyr, Bolgarııa, Qyrǵyzstannyń. Sondaı-aq, Qazaqstannyń barlyq oblysynyń stýdentter teatry qatysty. Al, jeńimpaz atanǵan Qyzylorda óńiriniń jas talanttary N.Bekejanov atyndaǵy Qyzylorda drama teatrynyń bas rejısseri, «Qurmet» ordeniniń ıesi Hýseın Ámir-Támir daıyndatqan. 
