Qyzylordanyń shet aımaǵy men aýyldyq okrýgterde 260 kóshe jóndelýde
Oblys ortalyǵynda jasalyp jatqan atalǵan jumystar barysymen jýrnalıster baspasóz týry kezinde keńinen tanysty.
Uzaq jyldar boıy Qyzylorda qalasynda burynǵy tozyǵy jetken kósheler problemasy ózekti bolyp keldi. Qazirgi tańda bul oryndar jergilikti turǵyndardyń kóz aldynda jańaryp jatyr. Bıyl qalanyń shet aımaǵy men aýyldyq okrýgterdegi barlyǵy 260 kósheniń joly jóndelýde. Onyń ishinde «Jumyspen qamtýdyń 2020-2021 jyldarǵa arnalǵan Jol kartasy» memlekettik baǵdarlamasy aıasynda atqarylyp jatqan ıgilikti ister de bar. Atap aıtqanda, qala aýmaǵyndaǵy 111, kent jáne aýyldyq okrýgterdegi 32 kóshedegi jol jóndelýde.
Solardyń biri Ergeshbaev kóshesi. Ol Jeltoqsan kóshesi men Abaı dańǵylyna deıingi aralyqty qamtıdy, uzyndyǵy 700 metrge jýyq.
Jóndeýdi «Qyzylorda joldary» merdiger mekemesi qolǵa alǵan. Munda asfalt tóseý aıaqtaldy.
Sondaı-aq qaladaǵy shetki aımaqtyń biri - KBI shaǵynaýdanynda da osyndaı ózgerister bar. Shaǵy aýdandaǵy uzyndyǵy 300 metrge jýyqtaıtyn Naýryz kóshesiniń buryn kórki qashyp jatatyn. Endigi kezekte atalǵan kóshede de jóndeý jumystary jasalyp, turǵyndar ótinishi oryndaldy.
Bıyl kóshe boıyndaǵy jaıaý júrginshiler jolyn salý isine de basa nazar
aýdaryldy. Máselen, 102 shaqyrymdy quraıtyn 68 kóshege jaıaý júrginshi joly salynýda.
Jýrnalıster Sádýaqasov, Táýelsizdikke 20 jyl kóshelerindegi jóndeý jumystarymen tanysty.
«Jaıaý júrginshiler jolyn salýda kóptegen talaptar bar. Bul oryndar múmkindigi shekteýli jandardyń qozǵalysyna qolaıly bolý qajet. Merdiger kompanııalarǵa osyndaı talaptar qoıyldy», - dedi qalalyq turǵyn úı-kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspektsııasy bóliminiń basshysy E.Rahmatýllaev.
Bul jumystar aıasynda 1 myń 700-den asa adam eńbekpen qamtyldy.
