Qyzylordanyń qurylysshylary Arystaǵy jumysty tolyǵymen aıaqtady
Qyzylorda oblysyna Arys qalasynda №6 aýmaq bekitilgen. Onda 268 turǵyn úı, 5 áleýmettik jáne 10 kásipkerlik nysan bar. Onda qalpyna keltirýge jatpaıtyn úılerdiń biri buzylyp, ornyna jańa úı satyp alyndy. Oǵan qosa kóp qabatty úıdiń birinde páteri jaramsyz kúıge túsken 93 jastaǵy keıýana, 60 jastaǵy múgedek jáne 19 jastaǵy jas azamat turatyn otbasyǵa da osyndaı járdem kórsetildi. Mundaı qamqorlyq bir aýlada ornalasqan turýǵa jaramsyz bolyp qalǵan eki úı turǵyndary úshin de jasaldy.
Qalpyna keltirý jumystaryn oryndaý úshin 20 qurylys kompanııasy jumyldyrylǵan bolatyn. Syrboıylyq qurylysshylar Arys qalasynda ózderine bólingen jumystaryn tolyǵymen aıaqtady.
Qyzylorda jurtshylyǵy Arys qalasyna turǵyndaryna qol ushyn sozyp keledi. Tótenshe oqıǵa oryn alǵan tusta Syr óńirinen Arysqa gýmanıtarlyq kómek jiberildi.
Sondaı-aq, Arys balalary demalý úshin Qyzylorda oblysyna keldi.
