Qyzylordanyń Qarmaqshy aýdanynda jańa mekteptiń qurylysy bastaldy
QYZYLORDA. QazAqparat-Ótken jyly barlyq ınjenerlik ınfraqurylymdary tartylyp, paıdalanýǵa berilgen «Táýelsizdik» móltek aýdanynda búgin Ú.K.Tomanov atyndaǵy №183 orta mekteptiń irgetasy qalandy. Bul týraly QazAqparat tilshisi Qarmaqshy aýdandyq ákimdigine silteme jasap habarlady.
Aıta keteıik, Ú.K.Tomanov atyndaǵy №183 orta mekteptiń irgetasy 1966 jyly qalanǵan. Onda 57 pedagog 352 oqýshyǵa bilim beredi. Alaıda, ustazdar men balalar uzaq jyldar boıy ýaqyt talabyna saı kelmeıtin eski ǵımarattyń zardabyn tartyp keldi.
Saltanatty sharaǵa qatysqan aýdan ákimi Sultan Maqashov bilim salasyna kórsetilip jatqan qoldaýlardy jáne aýdanda atqarylyp jatqan ıgi ister jóninde aıta kele, mektep qurylysynyń jumysyna sáttilik tiledi. Sonymen qatar jıynda aýdandyq ardagerler keńesiniń tóraǵasy Q.Esdáýletov pen aýdannyń «Qurmetti azamaty» O.Sarıev sóz alyp, búgingi qýanyshpen jınalǵan jurtty quttyqtap, batalaryn berdi.
Jalpy quny 789,932 mln. teńgeni quraıtyn nysannyń qurylysyna tapsyrys berýshi oblystyq qurylys, sáýlet jáne qala qurylysy basqarmasy. Qurylysyn salatyn bas merdiger «Aman Qurylys» JSSh. Joba boıynsha 300 oryndyq ǵımaratta oqý bólmeleri, májilis zaly, ashana, sport zaly, sheberhanalar, zerthanalar, medpýnkt, jabdyqtalǵan kompıýter synyptary, oqý zaly bar kitaphana bolady.
Aıta keteıik, Ú.K.Tomanov atyndaǵy №183 orta mekteptiń irgetasy 1966 jyly qalanǵan. Onda 57 pedagog 352 oqýshyǵa bilim beredi. Alaıda, ustazdar uzaq jyldar boıy ýaqyt talabyna saı kelmeıtin eski ǵımaratta bilim berýdiń qıyndyǵyn bastan keship keldi.
