Qyzylordanyń emdeý oryndarynda as máziri talapqa saı emes
Bul keleńsiz kórinister «Aqmeshit - adaldyq alańy» jobalyq keńsesi músheleriniń monıtorıng jasaý barysynda belgili boldy. Joba músheleri oblys ortalyǵyndaǵy medıtsınalyq uıymdarda jáne oblystyń Shıeli, Jańaqorǵan, Syrdarııa, Qarmaqshy aýdandardaǵy emhanalarda qoǵamdyq monıtorıng sharalaryn atqardy.
«Oblysta «Aqmeshit - adaldyq alańy» jobalyq keńsesi ashylyp, turmystyq jemqorlyqty joıý men onyń aldyn alý baǵytynda nátıjeli jumystar júrgizip keledi. Mamandar aldyńǵy kezekte densaýlyq saqtaý salasynda birshama jumystar atqardy. Nátıjesinde osy salada turmystyq jemqorlyq táýekelderi anyqtaldy», - dedi «Aqmeshit - adaldyq alańy» jobalyq keńsesiniń jetekshisi Jandos Tusmaǵambetov.
Keıbir aýrýhanalarda aıǵa jýyq etsiz, kondıterlik ónimdersiz, jemis-jıdeksiz otyrǵandyǵy anyqtaldy. Sonymen qatar, monıtorıng barysynda memlekettik satyp alýmen alynǵan pasterlengen sút, qatyq ónimderi talapqa saı kelmegen.
Sondaı-aq, naýqastarǵa em-sharalar kezinde bir ret paıdalanylatyn qolǵappen birneshe naýqastarǵa qyzmet kórsetýge paıdalanylǵan. Bir rettik tósenishter de birneshe márte qoldanylǵan.
Budan buryn Qyzylordada jalǵan sanıtarlyq kitapsha jasaý deregi anyqtalǵanyn habarlaǵan edik.