Qyzylordanyń bas pedagogy koronavırýsqa qarsy vaktsına saldyrdy

QYZYLORDA. QazAqparat - Qyzylorda oblystyq bilim basqarmasynyń basshysy Aqzıra Qasymova koronavırýsqa qarsy vaktsına saldyrdy, dep habarlaıdy QazAqparat tilshisi.

Óńirde búginde vaktsınanyń ekinshi kezeńinde 1261 pedagog ekpe saldyrdy. Onyń ishinde aýdandyq, qalalyq bilim bólim basshylary, dırektorlar jáne pedagogtar bar.

«Bul oraıda men medıtsına mamandaryna úlken senim artamyn. Sondyqtan búgin óz densaýlyǵym úshin №3 qalalyq emhanada vaktsına saldyrdym. Dárigerler densaýlyǵymdy baqylap, qan qysymymdy ólshep, dene qyzýymdy tekserip baryp, ekpe saldy.

Bilim berý uıymdaryn aralap, pedagogtarmen qarym-qatynas ornatyp, balalarmen kezdesetindikten vaktsına saldyrýdy jón sanadym. Ekpeden qorqýdyń qajeti joq dep sanaımyn. Óz densaýlyǵymyz úshin sheshim qabyldap, vaktsına saldyrýǵa shaqyramyn», - dedi basqarma basshysy.

Onyń aıtýynsha, bizge balalardyń amandyǵy, ustazdardyń saýlyǵy, ata-analardyń saqtyǵy kerek. Sol arqyly indetten aınalyp ótip, qalypty tirshilikke oralýǵa ábden bolady.

«Vaktsınadan keıin qazir jaǵdaıym jaqsy, eshbir aýyrsyný belgilerin baıqamadym. Dárigerler úsh kúnge deıin densaýlyǵymdy baqylaýdy ustaýǵa keńes berdi. Endi 21 kúnnen keıin vaktsınanyń ekinshi dozasyn alamyn», - dedi A.Qasymova.

Aıta keteıik, qazirge deıin Qyzylorda qalasynda 417 polıtseı koronavırýsqa qarsy vaktsına qabyldady.