Qyzylordalyqtardyń tutynǵan gazǵa bereshegi 1 mıllıard 246 mln teńgege jetti
QYZYLORDA. QazAqparat - Qyzylorda oblysynda paıdalanylǵan gaz aqysyn tólemegen turǵyndar sany artqan. Qazir tutynýshylardyń jalpy bereshegi 1 mıllıard 246 mln teńgege jetken, dep habarlaıdy QazAqparat tilshisi.
«Jylytý maýsymy aıaqtalýyna baılanysty jáne kelesi jylytý maýsymynyń aldynda daıyndyq retinde, qaryzdy jınaý maqsatynda, «QazTransGaz Aımaq» AQ Qyzylorda óndiristik fılıaly qaryzy bar tutynýshylardy gaz jabdyqtaý júıelerinen ajyratýǵa májbúr bolyp otyr. Óıtkeni tutynýshy túbirtekke sáıkes paıdalanylǵan gazdyń aqysyn kelesi aıdyń 25-ne deıin tóleýi kerek. Óz tarapymyzdan árdaıym tutynýshylarǵa gaz jetkizýshiden tez arada tólem jasaý týraly jáne gaz jetkizýdi shekteý múmkin ekeni týraly eskertýler únemi beriledi.Alaıda habarlamalar jıi elenbeıdi», - dedi «Kaztransgaz Aımaq» AQ Qyzylorda óndiristik fılıaly dırektorynyń birinshi orynbasary Ermek Qaldyǵulov.
Gaz eseptegish qurylǵylaryn kútip ustaýǵa jáne ýaqytyly tekserýden ótkizýge menshik ıesi jaýapty. Gaz eseptegish qurylǵylaryn tekserý, qurylǵynyń shyǵarylǵan kúninen bastap, aralyq tekserýge sáıkes júrgiziledi.
