Qyzylordalyqtar jolaqyny smartfondary arqyly tóleı alady
Elektrondy júıeniń jumys jasaýy múldem qarapaıym. Bar bolǵany ANDROID operatsııalyq júıesindegi Play Market qosymshasy arqyly «IPAY» JShS-men jasaqtalǵan OyBy mobıldi kómekshi júktemesin ornatyp, kómekshi qosymshamen avtobýs salondarynda ornalasqan «QR» kodtar arqyly jol júrý aqysyn birlikterińiz esebinen tóleı alasyzdar. Tólemder avtobýs kondýktorlary qolyndaǵy qondyrǵylar arqyly baqylanyp, tikeleı Avtobýs park ortalyǵyndaǵy ekrandar arqyly sol mezette kórinedi.
«Aldaǵy ýaqytta bul kodtar avtobýs parkine tıesili barlyq avtobýs salondaryna ornatylady. Sol sekildi smartfonsyz jolaýshylar úshin jolaqysyn qolma-qol tólem túri de qaldyrylady. Zamanaýı elektrondy bılet júıesiniń bul túri elimiz boıynsha Qyzylorda qalasynda eń birinshi bolyp qoldanysqa engizilip otyr», deıdi qala ákiminiń baspasóz hatshysy Rýslan Qaıýpov.
Bul sharany uıymdastyrýshylar Qyzylorda qalasynyń 200 jyldyq mereıtoıyna jasalǵan tartý ekendigin aıtady. Sebebi, júıeni ornatýǵa eshqandaı qarjy jumsalmaǵan.
Ádilet Qańtarbaev