Qyzylordalyqtar múmkindigi shekteýli sportshylardyń spartakıadasynda 34 medal enshiledi
QYZYLORDA. QazAqparat-Atyraý qalasynda múmkindigi shekteýli sportshylar arasynda Qazaqstan Respýblıkasynyń V spartakıadasy aıaqtaldy. 15-24 qyrkúıek aralyǵynda ótken jarystarǵa elimizdiń ár óńirinen 16 komanda qatysty. Aıtýly synda qyzylordalyq sportshylar 13 altyn, 13 kúmis, 8 qola, barlyǵy 24 medal jeńip aldy, dep habarlady QazAqparat tilshisi oblystyq dene shynyqtyrý jáne sport basqarmasyna silteme jasap.
Atap aıtsaq, jeńil atletıkadan Islam Salımov 200, 400 metr araqashyqtyqqa júgirýden jáne uzyndyqqa sekirýden 3 altyn júldeni ıelendi. Elaman Jolaman naıza laqtyrýdan 1-oryn, ıadro jáne dısk laqtyrýdan 2-orynǵa ıe boldy. Qolǵanat Baqbergen naıza laqtyrýdan - kúmis, dısk laqtyrýdan jáne uzyndyqqa sekirýden qola júldelerge qol jetkizdi. Erık Qasqabaev dısk, naıza laqtyrýdan jáne ıadro ıterýden úsh kúmis júldeni enshiledi. Meıirjan Mashat 200, 400 jáne 800 metr ara qyshyqtyqqa júgirýden úsh «altyndy» ıelense, Baǵdat Elibaev 100, 200 metr araqashyqtyqqa júgirýden birinshi bolyp keldi. Al ıadro ıterýden qola júlde buıyrdy. Ásel Qozbaǵarova naıza laqtyrýdan úshinshi, dısk jáne laqtyrýdan ekinshi oryn aldy. Erjan Qýandyqov 800 jáne 1500 metrge júgirýden kúmis júldege ıe boldy.
Paýerlıftıngten qyzylordalyq sportshylar jalpykomandalyq esepte ekinshi oryndy enshiledi. Jekeleı synda Kabıra Asqarova (50 keli), Aıgúl Baıjanova (79 keli) jáne Lıazzat Jaqypovalar (86 keli) Qazaqstan spartakıadasynyń jeńimpazy atansa, Altynkúl Imanbaeva (50 keli) men Erbolat Álimbetov (54 keli) 2-oryndy aldy. Qýanysh Álıasqarov (49 keli) pen Qýanysh Amangeldıev (65 keli) 3-orynnan kórindi.
Qyzylorda oblysynyń quramasy voleıboldan jalpy komandalyq esepte kúmis júldeger atandy. Komanda quramynda Shyńǵys Medeýov, Omar Turmanov, Dáýren Ahmetov, Samat Áýezov, Beıbit Keıkıev, Almat Manabaev, Asanáli Joldasbek, Erık Qasqabaevtar óner kórsetti.
Al toǵyzqumalaqtan aımaq sportshylary birinshi oryndy jeńip aldy. Komanda sapynda Kenbaı Qarashaev, Baqytjan Álıasqarov, Madına Nurseıitter sheberlik baıqasty.
Paradzıýdodan Oljas Orazalyuly (60 keli) - 2-oryn, Dáýlet Júnisov (60 keli) pen Baǵdat Qajender (66 keli) 3-oryndardy enshiledi.
Qyzylorda oblysynyń komandasyn jarysqa ártúrli sport túrlerinen ıÝrıı Moşeev, Erık Qasqabaev, Baqytbek Rysbaev, Keńbaı Qarashaev, Rýslan Berkimbaılar daıyndady.
