Qyzylordalyqtar Azııa chempıonatynda úsh medal oljalady
QYZYLORDA. QazAqparat-Astana qalasynda grepplıng boıynsha áıelder men erler arasynda Azııa chempıonaty máresine jetti. Aıtýly básekede Qazaqstan qurama komandasy 41 medal oljalap, jalpy komandalyq esepte birinshi oryndy ıelendi. Bul týraly QazAqparat tilshisi habarlady.
Olardyń qatarynda qyzylordalyq sportshylar - 71 keli salmaqta Rýslan Mustafa Azııa chempıony atansa, osy salmaqta Dıana Sádýaqasova grepplıng gı jáne grepplıng noý-gı boıynsha kúmis júldelerdi ıelendi.
Oblystyń aǵa jattyqtyrýshysy Arman Mádelhanovtyń aıtýynsha, sportshylar endi ústimizdegi jyldyń 19-21 qazany aralyǵynda Baký qalasynda (Ázirbaıjan) ótetin Álem chempıonatyna qatysady. Sondaı-aq, pankratıonnan bes sportshy Sochı qalasynda (Reseı) jalaýy jelbireıtin Álem chempıonatynda oblys namysyn qorǵaıdy.
