Qyzylordalyqtar Astana kúnin toılaýdy bastap ketti
QYZYLORDA. 4 shilde. QazAqparat - Syr boıyndaǵy bas qalada Astana kúnderin toılaý sharalary keshe bastaldy.
Elordanyń toıy Qyzylordada Á.Tájibaev atyndaǵy ámbebap kitaphanada «Eýrazııa keńistigindegi jaryq juldyz» atty kitap kórmesinen bastaý aldy. Onda Astana qalasy týraly sońǵy jyldary shyqqan alýan túrli kitaptar qoıyldy. Kórme shildeniń 6-syna deıin jumys isteıdi. Al búgin oblystyq tarıhı-ólketaný mýzeıinde jergilikti qylqalam sheberleriniń Astana taqyrybynda salǵan sýretterin jarııa etetin taǵy bir kórme ashyldy. Ol «Arman qalam - Astanam» dep atalady.
