Qyzylordalyqtar Aqtóbe oblysyna 60 tonna azyq-túlik jóneltti
QYZYLORDA. QazAqparat- Búgin qyzylordalyqtar jınaǵan 60 tonna azyq-túlik pen kıim-keshek, turmystyq zattar 8 kólikke tıelip, Aqtóbege jol tartty, dep habarlaıdy QazAqparat HAA tilshisi.
Qyzylordada Aqtóbe oblysyndaǵy sý tasqyny saldarynan zardap shekkenderge kómek berý maqsatynda Qyzylorda oblysy jastarynyń bastamasymen úndeý qabyldanǵan bolatyn.
Tabıǵattyń tosyn minezinen qıyn jaǵdaıǵa tap bolǵan otandastarymyzǵa aımaq kásipkerleri men qaıyrymdy jandar kómek qolyn sozdy. Úndeýge «ún qosqan» olar azyq-túlik pen kıim-keshek, turmystyq zattardy oblys kóleminde ashylǵan 9 pýnktke tapsyrǵan bolatyn.
Taǵzym alańyndaǵy qaıyrymdylyq kerýenin attandyrýǵa arnalǵan sharaǵa oblys ákiminiń orynbasary Rýslan Rústemov, oblystyq jastar saıasaty máseleleri basqarmasynyń basshysy Erkebulan Meńlibaev qatysyp, jastardyń oń bastamalaryna aq jol tiledi.
