Qyzylordalyqtar 3 sábıinen aıyrylǵan otbasyna kómek kórsetti

QYZYLORDA. QazAqparat - Qyzylordalyq bir top janashyr azamattar 3 balasynan qapyda aırylǵan otbasyǵa qarjylaı qoldaý kórsetti, dep habarlaıdy QazAqparat tilshisi.

Esterińizge sala ketelik, 9 qańtarda qala shetindegi saıajaıdaǵy úılerdiń birinde órt bolyp, bir úıdiń 3 balasy qaza tapqan edi. Kóp uzamaı oqıǵanyń mán-jaıy aıtylyp, qylmystyq is qozǵalǵaldy.

Qaıǵydan qan jutqan otbasynyń jaǵdaıyna qaıyrymdy qyzylordalyqtar beı-jaı qaramaı, olarǵa qarjylaı qoldaý kórsetýge nıet bildirdi. Olardyń qatarynda belgili aıtysker aqyn Muhtar Nııazov ta bar.

Janashyr azamattar elden jınalǵan 1 mln 554 myń teńge aqshany zardap shekken otbasyǵa tabys etti.

«Bir top janashyr azamattar órtten 3 sábıi kóz jumǵan otbasyna qarjylaı qoldaýyn kórsetti. Budan buryn oblys jáne qala ákimdikteri mamandary qajetti kómekterin jasaǵan eken», - dedi janashyrlyq kórsetkender qatarynda bolǵan Aıda Smaılova.