Qyzylordalyqta koronavırýs ekinshi márte alynǵan synamada anyqtaldy
NUR-SULTAN. QazAqparat – QazAqparat hwww.coronavirus2020.kz saıtyna silteme jasaı otyryp, jańadan tirkelgen KVI jaǵdaıy boıynsha aqparatty jarııalaıdy.
❗️Qyzylorda oblysy - 3 jaǵdaı
Eki naýqas Syrdarııa aýdanynyń turǵyndary.
Olar koronavırýstyq ınfektsııamen aýyrǵan adammen qarym-qatynasta bolýyna baılanysty karantındik statsıonarǵa jatqyzylǵan. Ekinshi márte alynǵan synama KVI oń nátıje kórsetti.
Úshinshi naýqas Jańaqorǵan aýdanynyń turǵyny.
Qazirgi tańda epıdemıologııalyq zertteý júrgizilýde. Barlyǵy juqpaly aýrýlar bólimine aýystyryldy.
❗️Qaraǵandy oblysy - 2 jaǵdaı
Birinshi naýqas - 44 jastaǵy er adam. Buryn juqtyrǵandarmen jaqyn baılanysta bolǵany anyqtaldy, statsıonarda boldy.
Ekinshisi - 46 jastaǵy áıel. Úı karantıninde boldy, óıtkeni juqtyrǵandarmen baılanysta bolǵandardyń qatarynda boldy.
❗️Mańǵystaý oblysy - 1 jaǵdaı
1962 jylǵy zeınetker Jańaózen turǵyny.
PTR dıagnostıkalyq zertteý nátıjeleri boıynsha KVI naqtylandy. Qazirgi ýaqytta naýqas qalalyq juqpaly aýrýlar aýrýhanasyna jatqyzyldy. Naýqaspen jaqyn baılanysta 12 adam bolǵan. Onyń ekeýi - úı oshaǵynan jáne 10-y týysy bolyp shyqty.
❗️Shymkent qalasy - 1 jaǵdaı
Aýrý juqtyrǵan azamatsha Shymkent qalasynyń turǵyny.
Ol KVI juqtyrǵan adammen qarym-qatynasta bolýyna baılanysty karantındik statsıonarǵa jatqyzylyp, zerthanalyq synama alynǵan. Dıagnozy naqtylandy.
Vırýs juqtyrǵandar qazirgi ýaqytta oqshaýlanyp, tıisti em qabyldaýda.
Atalǵan azamattarmen baılanysta bolǵandar da anyqtap, oqshaýlaý jumystary júrgizilýde.
