Qyzylordalyq jolaýshylar smartfon arqyly kitap oqı alady
QYZYLORDA. QazAqparat-Qyzylordada temirjol vokzaly men avto beketke «Jolaýshy, jolǵa kitap al!» maketteri ornalastyryldy, dep habarlady QazAqparat tilshisi.
«Jas Otan» JQ qalalyq fılıalynyń basshysy Talǵat Tilestiń sózine qaraǵanda, qazirgi tańda tehnologııa qarqyndy damyp, uıaly baılanys pen ǵalamtor ómirimizden eleýli oryn aldy. Ásirese, kitap oqýǵa degen ynta azaıǵanyn baıqaýǵa bolady. Sol sebepti osyndaı sharalar qolǵa alynýda eken.
«Smart aıaldamalar» jobasy júzege asyrylýda. Aldaǵy ýaqytta «aqyldy qala» jobasy sheńberinde uıaly telefondardy aıaldamalarda qýattandyrýǵa da múmkindik týady dep kútilýde. Qala jurtshylyǵy bul jańashyldyqty qup kóredi. Buǵan deıin 15 aıaldamaǵa belgili aqyn-jazýshylardyń shyǵarmalary elektrondy nusqada qoıylǵan bolatyn. Joba jolaýshy qaýymnyń rýhanı baılyǵyn molaıtyp, saparlarynyń mazmundy ótýine múmkindik beredi dep senemiz», - dedi Talǵat Tiles.
Budan bylaı árbir jolaýshy ózi qalaǵan kitapty «kıý-ar» kody arqyly smartfonyna júkteı alady. Joba aıasynda qalyń buqaraǵa qazaq klassıkteri shyǵarmalarynan bólek, álemdik ádebıet týyndylary usynylǵan.
