Qyzylordalyq jasóspirim qudyqqa qulap ketken sábıdi qutqardy

QYZYLORDA. QazAqparat - Qyzylordada 15 jastaǵy jasóspirim káriz qudyǵyna qulap ketken 2 jastaǵy sábıdi qutqaryp qaldy, dep habarlaıdy QazAqparat tilshisi.

Oqıǵa Qyzylorda qalasyndaǵy ortalyq kóshelerdiń birinde boldy. 2007 jyly dúnıege kelgen Arman Amanjolov oblys ortalyǵyndaǵy kolledjge oqýǵa túsýge qujat tapsyrýǵa kelgen.

Kóshede kele jatqan sátinde sábıdiń káriz qudyǵyna qulap ketkenin baıqaǵan. Oılanbastan qudyqqa túsip, balany syrtqa alyp shyqty.

«Sol sátte balany qutqarýdan basqa oıym bolǵan joq. Sábıdiń aman-esen qalǵanyna qýanyshtymyn», - deıdi ol.

Aral aýdandyq bilim bóliminiń habarlaýynsha, jasóspirim Bógen aýylynda №20 Z.Shúkirov atyndaǵy orta mektepte tálim alǵan. Kópbalaly otbasynda dúnıege kelgen ol jastaıynan ata-anasynyń qolǵanaty, baýyrlaryna qamqorshy bolyp ósken.