Qyzylordalyq jas jyraýlar Bakýde júldeli boldy

QYZYLORDA. QazAqparat – Bakýde ótken dəstúrli oryndaýshylardyń halyqaralyq festıvalinda qazaqstandyqtar júldeli boldy, dep habarlaıdy QazAqparat tilshisi.

Halyqaralyq festıval 7-9 qazan kúnderi ótkizildi. Oǵan dúnıejúziniń 9 elinen 15 ónerpaz keldi. Kópshilik aldynda shyqqan dúldilder qazaqstandyq Shuǵyla Marhaba men Araı Ońǵarqyzy boldy. Qos ónerpaz Qarmaqshy aýdanyndaǵy Kósheneı Rústembekov atyndaǵy jyraýlar úıinde tálim alǵan.

Halyqaralyq festıvalde Shuǵyla Marhaba úshinshi oryn alsa, Araı Ońǵarqyzy arnaıy dıplommen marapattaldy. Jas ónerpazdardy atalmysh sharaǵa Záýre Káribaeva men Dinıslam Toqsanbaev daıyndap alyp bardy.

Qarmaqshy aýdanynda Jyraýlar úıi jas urpaqty ulttyq ónerge baýlý baǵytynda ıgilikti isterdi júzege asyryp otyr. Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy boıynsha atalmysh óner ordasynda ónegeli ister laıyqty jalǵasyn taýyp keledi.