Qyzylordalyq jas shahmatshylar Italııada ótetin chempıonatqa joldama aldy
QYZYLORDA.QazAqparat - Astana qalasynda klassıkalyq shahmattan 20 jasqa deıin uldar men qyzdar arasynda ótken Qazaqstan chempıonatynda qyzylordalyqtar tabysty óner kórsetti.
Jarysqa qatysqan 22 sportshy arasynan Syrdyń shahmatshy qyzdary júldeli úsh orynnyń ekeýin jeńip aldy, dep habarlaıdy QazAqparat tilshisi.
On bes jastaǵy Ásel Serikbaı 9 oıynnan segiz upaı jınap, qazan aıynda Italııada ótetin Álem chempıonatyna joldama aldy.
Al Nazerke Nurǵalı 9 oıynnan 6,5 upaı jınap, kúmis júldeni ıelendi. Ol mamyr aıynda Iranda ótetin Azııa chempıonatyna qatysatyn boldy.
