Qyzylordalyq jas ónertapqysh ıAndeks kompanııasynan shaqyrtý aldy
Dastan Aıtbaı kóptegen ınnovatsııalyq jobalar boıynsha elge tanylyp keledi. Ol byltyr ınnovatsııalyq qulaqqap jasap shyǵardy. Qazir ekiniń biri qulaqqapty paıdalanady. Degenmen ol qaýipsizdikti saqtaý barysynda kóptegen qıyndyqtar týdyrady. Dastan qulaqqaptyń ishine qaýipsizdik sıgnalyn ornatqan. Máselen, kólik, jol-kólik, jedel járdem qyzmetteriniń sıgnaly estilgende qulaqqaptaǵy áýen avtomatty túrde toqtaıdy.
Sondaı-aq, Dastan vırýsqa qarsy qorǵanys retinde qoldanylatyn arnaıy jobany oılap tapty . Oǵan «Kafka» baǵdarlamasy degen ataý berilgen. Ony vırýsqa qarsy vırýs deýge negiz bar. Joba boıynsha ol vırýsty óz qaqpanyna túsiredi. Oǵan óziniń vırýstaryn júktep jibere alady. Nátıjesinde jiberilgen vırýs qaıtadan burynǵy «uıasyna» baryp, arqalap kelgen júgi arqyly ózin-ózi joıyp jiberedi.
«Aldaǵy ýaqytta óz bilimimdi Reseı astanasy - Máskeý qalasynda jetildirgim keledi. Bul - úlken tájirıbe alańy. Mundaı iri kompanııamen birge jumys jasaý ózime jasalǵan úlken múmkindik dep sanaımyn», - dedi Dastan Aıtbaı.
