Qyzylordalyq jas ǵalym shubatty uzaq saqtaıtyn ashytqy oılap tapty
Atalmysh joba bul baǵytta qolǵa alynǵan jumystyń alǵashqylarynyń qatarynda sanalady. Jańa ashytqy arqyly shubatty 5 aıǵa deıin saqtaýǵa tolyq múmkindik bar. Sonyń nátıjesinde qazirdiń ózinde bul ónimge suranys artyp keledi.
Jas ónertapqysh Eýrazııa ulttyq ýnıversıtiniń bıotehnologııa mamandyǵyn úzdik bitirgen. Ol qazirgi tańda Almaty tehnologııa ýnıversıtetinde magıstratýrada oqyp júr. Sondaı-aq, ol joǵary bilimmen qosa arnaıy kýrstardan ótip, shubat óńdeý isine ábden mamandanyp aldy. 2016 jyly Shıeli aýdanyndaǵy «Arý Ana» kásipornynda eńbek jolyn bastady. Qazir óńdelgen túıe sútinen dám tatqan jergilikti azamattar oǵan joǵary baǵasyn berip otyr.
Jas ónertapqysh óz isin áli damytqysy keledi. Alǵa qoıǵan maqsattary barshylyq.
«Qazirgi tańda biz sıyr sútin aeratsııalaý arqyly qymyz sýsynyn óndirýdi qolǵa aldyq. Aeratsııalaý - sút sekildi suıyq ónimderdi aýamen qanyqtyrý protsesi men ádisi. Ulttyq saraptama ortalyǵymen tyǵyz baılanys ornatyp, jańa jobaǵa patent alýǵa nıet tanytyp otyrmyz. Aldaǵy ýaqytta sol ónimmen tutynýshylarǵa óz ónimderimizdi usynýǵa nıet jasap otyrmyz. Sondaı-aq, sıyrdyń qany arqyly múıizdi iri qaranyń aýrýyn anyqtaıtyn ǵylymı-tájirıbelik jumysqa mán berip júrmiz. Ol arqyly mal aýrýyn 20 mınýt ishinde anyqtaýǵa bolady. Atap aıtqanda, maldan aýsyl aýrýyn anyqtaýda ǵylymı-tájirıbelik jumystar jasaldy», - deıdi Baıan Dúısenbek.
«Arý Ana» kásiporny osydan eki jyl buryn jumysyn bastady. Qazirgi tańda kásiporyn turǵyndardy shubat, aıran, súzbe, qymyz, irimshik, balmuzdaq sekildi ónimdermen qamtamasyz etip otyr.