Qyzylordalyq jas ǵalym bakterııalarmen kúresetin jańa preparat oılap tapty
QYZYLORDA. QazAqparat-Syr óńirinde sońǵy jyldary jańalyq ashyp elge tanylǵan jas ǵalymdar qatary artyp keledi. Solardyń biri jańaqorǵandyq Nurǵalı Aqylbekov bakterııalarǵa qarsy 10 ese bıologııalyq belsendilik kórsetetin preparat oılap tapty. Bul týraly QazAqparat tilshisi habarlady.
Onyń bul ónertabysy Reseıde patenttelip, halyqaralyq dárejede moıyndalyp otyr. Qorqyt ata atyndaǵy Qyzylorda memlekettik ýnıversıtetiniń túlegi búginde Tatarstandaǵy Qazan ulttyq zertteý tehnologııalyq ýnıversıtetiniń aspıranty retinde ǵylymı izdeniste. Zamanaýı fızıkalyq-hımııalyq taldaý qondyrǵylaryn erkin meńgergen Nurǵalı Aqylbekov az ýaqyttyń ishinde ǵylymǵa zor úles qosa bildi. Ol buǵan deıin Aral óńiriniń munaımen lastanǵan topyraǵyn bıopreparattar arqyly tazartý tehnologııasyn ázirlegen bolatyn.
Aıta keteıik, Nurǵalı 2017 jyldyń jeltoqsan aıynda Memlekettik «Daryn» jastar syılyǵynyń laýreaty atandy.
