Qyzylordalyq voleıbolshylar Qazaqstan chempıony boldy
QYZYLORDA. QazAqparat - 2005-2006 jyldary dúnıege kelgen qyzylordalyq voleıbolshylar jasóspirimder arasyndaǵy qysqy el birinshiliginiń jeńimpazy atandy, dep habarlaıdy QazAqparat tilshisi.
Qysqy chempıonat Pavlodar qalasynda ótti. Oǵan elimizdiń ár óńirinen 16 komanda qatysty. Atalmysh jarys barysynda Syr óńiriniń voleıbolshylary joǵary deńgeıde oıyn kórsete bildi.
Qyzylordalyq órender byltyr da jazǵy jáne kúzgi el birinshilikterinde jeńimpaz atanǵan edi. Osylaısha, olar qatarynan úsh márte chempıondyq tuǵyrǵa kóterilip otyr.
Sondaı-aq qyzylordalyq voleıbolshy Beknur Saırambek jarystyń úzdik oıynshysy atandy.
Aıta keteıik, kóktemgi el birinshiligi Almaty oblysynyń ortalyǵy - Taldyqorǵan qalasynda jalaýyn kóteredi.
