Qyzylordalyq ustaz: Vaktsınadan keıin kóńil-kúıim jaqsy

QYZYLORDA. QazAqparat - Qyzylorda oblysynda koronavırýs vaktsınasyn egilgen turǵyndar qatarynda muǵalimder sany artyp keledi, dep habarlaıdy QazAqparat tilshisi.

Óńirde búginde vaktsınanyń ekinshi kezeńinde 1 200-den astam pedagog ekpe saldyrdy. Onyń ishinde aýdandyq, qalalyq bilim bólim basshylary, dırektorlar jáne pedagogtar bar.

Solardyń biri - Qyzylorda qalasyndaǵy №5 mektep-lıtseıiniń qazaq tili men ádebıeti páni muǵalimi Sofııa Qojabekqyzy Mııanova.

«Álemdi jaılaǵan qaterli indetke qarsy kúres - barsha azdamzat aldyndaǵy úlken mindet. Buǵan baılanysty bizdiń elimizde de kóptegen jumystar atqarylyp keledi. Dese de qaýipti dertten qutylý árbirimizdiń jaýapkershiligimizge baılanysty. Srndyqtan balalarmen tikeleı qarym-qatynasta bolǵandyqtan vaktsına saldyrýǵa sheshim qabyldadym. Sol maqsatta 5 naýryz kúni erikti túrde ekpeniń alǵashqy dozasyn saldyrdym. Odan keıin eshqandaı aýrý-syrqaý belgileri baıqalǵan joq. Al ekinshi ekpeni 26 naýryzda aldym. Qazir kóńil-kúıim jaqsy. Halqymyz, balalarymyz aman bolsyn desek, barlyǵymyz vaktsınany qabyldaǵan jón dep sanaımyn», - dedi Sofııa Mııanova.

Esterińizge sala ketelik, budan buryn Qyzylordanyń bas pedagogy koronavırýsqa qarsy vaktsına saldyrǵanyn habarlaǵan edik.