Qyzylordalyq úsh turǵyn 22 qasqaldaq pen 68 úırekti atyp alǵan
«Ohotzooprom ÓB» RMQ Qyzylorda óńirlik fılıaly mekemesi jáne Aral aýdandyq polıtsııa bóliminiń qyzmetkerleri birlesken reıdtik shara ótkizdi. Onyń barysynda aýdanǵa qarasty Qaratereń aýyly mańynda 46 jastaǵy azamattyń basqarýyndaǵy «Nıva» avtokóligi toqtatylǵan.
«Tekserý barysynda avtokólik ishinen 3 ańshy myltyǵy, 22 qasqaldaq, 68 úırek tabyldy. Jedel tergeý toby aýdannyń 46, 52, 55 jastaǵy 3 turǵynyn ustady. Barlyq aıǵaqty zattar tárkilendi. Atalǵan derek boıynsha QR Qylmystyq kodeksiniń 337-baby 3-bóligine sáıkes sotqa deıingi tergep-tekserý amaldary júrgizilýde. Onda aldyn ala sóz baılasý arqyly adamdar toby jasaǵan zańsyz ań aýlaý jaǵdaıy kórsetilgen», - dep málim etti Qyzylorda oblystyq Polıtsııa departamentinen.
Eske salsaq, budan buryn Qyzylorda oblysynda esirtki egýmen aınalysqan qylmystyq top basshylary qolǵa túskenin jazǵan edik.