Qyzylordalyq úsh dúrkin Azııa chempıony atandy
QYZYLORDA. QazAqparat. Qyzylordalyq karate-do sheberi Móldir Jańbyrbaı úsh dúrkin Azııa chempıony atandy, dep habarlaıdy QazAqparat tilshisi.
Ol jaqynda Japonııanyń Okınava qalasynda karate-dodan Azııa chempıonatynda 50 kelige deıingi salmaqta jastar arasynda jeńimpaz tuǵyryna kóterildi. Jarysta Móldir úsh kezdesý ótkizdip, qarsylastaryn aıqyn basymdyqpen jeńdi. Sonyń nátıjesinde ol osymen jastar arasynda úshinshi márte Azııa chempıony atanyp otyr.
«Jarys joǵary deńgeıde ótti. Azııanyń birqatar elderin namysyn qorǵaǵan joǵary daıyndyqpen kelgen. El namysyn abyroıme qorǵaýǵa kúsh saldym. Endi aǵymdaǵy jyldyń maýsym aıynda Aqtaý qalasyna oqý-jattyǵý ótedi. Sol aıda Túrkııanyń Stambýl qalasynda ótetin reıtıngilik halyqaralyq jarysta baq synaımyn. Ol 2020 jyly Tokıoda ótetin Olımpıada oıyndaryna qatysýǵa múmkindik beretin reıtıngtik upaı jınaý jarysy bolady», - dedi M.Jańbyrbaı.
Aıta keteıik, Móldir sportqa 6 jasynda kelgen. Buǵan deıin respýblıkalyq, halyqaralyq jarystarda el namysyn abyroımen qorǵaı bildi. Ol karate-dodan QR chempıonatynyń birneshe dúrkin jeńimpazy, respýblıkalyq jáne halyqaralyq týrnırlerdiń kópdúrkin jeńimpazy, 3 dúrkin Azııa (2013, 2017, 2018), 3 dúrkin Álem chempıony (2015, 2016 -2 márte). QR halyqaralyq dárejedegi sport sheberi. Qazirgi tańda Qorqyt Ata atyndaǵy Qyzylorda memlekettik ýnıversıtetiniń 4-kýrsynda oqıdy.
Avtory: Ádiljan Úmbet
