Qyzylordalyq urlaǵan kóligimen jol jıeginde aýdarylyp qaldy
Qyzylorda qalalyq polıtsııa basqarmasy Tasbóget polıtsııa bóliminiń qyzmetkerleri bóten kólikti urlap, jol-kólik oqıǵasyn jasaǵan turǵyndy qolǵa túsirdi. Er adam oblys ortalyǵyndaǵy mekemeniń biriniń aldynda turǵan jol talǵamaıtyn kólikti urlap ketken. Keıin ol rýlge ıe bola almaı, jol jıeginde aýdarylǵan.
«Jol-kólik oqıǵasynan eshkim zardap shekken joq. Kúdikti oqıǵa ornynda ustaldy. Ol oblys ortalyǵynyń turǵyny bolyp shyqty. Qazirgi ýaqytta QR Qylmystyq kodeksiniń 200-baby 3-bóligi boıynsha sotqa deıingi tergep-tekserý amaly júrgizilýde. Onda avtomobıldi nemese ózge de kólik quralyn jymqyrý maqsatynsyz aıdap ketý jaǵdaıy kórsetilgen. Polıtseıler oqıǵanyń mán-jaıyn anyqtaýda. Kúdiktige qatysty eshqaıda ketpeý týraly bultartpaý sharasy qoldanyldy», - dep málim etti Qyzylorda oblystyq polıtsııa departamentinen.
Esterińizge sala ketelik, Qyzylordada jeńil kólik órtenip, bir adamdy kúıik shaldy.