Qyzylordalyq TJ qyzmetkeri sport sheberi atandy

Bul týraly QazAqparat HAA tilshsi OTJD silteme jasap habarlady.

Nazerke 200 metrlik qashyqtyqty 25,19 sekýndta baǵyndyrdy. 60 metrlik qashyqtyqty - 7,69 sekýndta. Osylaısha ol, Qazaqstan Respýblıkasynyń «sport sheberi» sporttyq ataǵyna ıe boldy. Jas sportshy úshin «sport sheberi» ataǵyn alý jańa shyńdarǵa jetýge negiz bolatyny sózsiz.

Qalada sporttyq is-sharalar árqashan Qyzylorda oblysy TJD Órt sóndirý jáne avarııalyq-qutqarý jumystary qyzmeti qyzmetkerleriniń qatysýymen ótedi. Nazerke jeńil atletıka sporttyq jarysynyń belsendi qatysýshysy ǵana emes, ol Qazaq handyǵynyń 550 jyldyǵyn atap ótý kezinde velojarystan da 3-oryndy jeńip alǵan bolatyn. 10 shaqyrymdyq velojarys qorytyndysy boıynsha Memlekettik rámizder kúnine jáne Qazaqstan Respýblıkasy Táýelsizdiginiń 25 jyldyǵyna oraı órt sóndirý bóliminiń radıotelefonısi qalanyń ortalyq alańynda márege jetip, 1-shi júldeli oryndy ıelenip, jeńis tuǵyryna kóterildi. Elimizdiń Tuńǵysh Prezıdenti testi chempıonatynda da jyl saıyn Nazerke medaldarmen marapattalyp, ujymdy qýantyp keledi.

Sport sheberi Ómirǵalıeva Nazerke jańa jeńisterge daıyn. Jeńil atletıka boıynsha Azııa men Qazaqstannyń eki dúrkin jeńimpazynyń armany - órt-qutqarý sporty boıynsha Álem chempıonatynda qurama komanda sapynda elimizdiń týyn kóterý.

 «Dúnıejúzilik áıelder kúni qarsańynda «sport sheberi» ataǵyna ıe bolýym, meniń anam úshin úlken syılyqtyń biri. Jeńispen úıge kelip, jaqyndarymnyń qýanyshyn kórý bárinen de qymbat. Týystarymnyń mahabbaty men ujymnyń qoldaýy meniń jańa jeńiske jetýime kúsh pen qýat beredi», - deıdi Nazerke.