Qyzylordalyq turǵyn jalań qolmen qasqyr aldy
Eldi meken Jańaqorǵan aýdanynyń taý betkeıinde ornalasqan. Jergilikti turǵyndardyń negizgi kúnkóris kózi - mal sharýashylyǵy.
Onyń aıtýynsha, aýyl turǵyndary bıyl taý jaqta maldy qasqyr tartyp ketip jatyr degendi jıi estıtin boldy. Sondaı habardy estigen Aıazbı de mototsıklimen taýdaǵy jylqylardyń jaı-kúıin bilý bilmek maqsatta jolǵa shyqqan. Qasynda Jumaǵalı esimdi tanysy bar.
«Qara jolmen kele jatqanda jyńǵyldyń túbinen qasqyrdyń qasha jónelgenin kózimiz shaldy. Artynan dereý qýalaı jóneldik. On shaqyrymdaı ótkennen keıin onyń artyna ózim tústim. Bir mezette qasqyrdyń maǵan aıbat shegip turǵanyn baıqadym. Arpalys bastaldy. Onyń da beriser túri joq. Jarty saǵattaı ýaqyt ótkende ol maǵan qaraı atyldy. Jan-dármenmen qolyma tas alyp ony basynan uryp úlgerdi. Qatty soqqydan esinen tanyp qaldy. Tumsyǵynan baılap tastadym. Mototsıkldiń artyna óńgerip aldym. Jolaı ol esin jıdy. Alaıda burynǵydaı qaýqar kórsetýge shamasy kelgen joq», - dedi Aıazbı Fazylov QazAqparat tilshisine.
Aıtýynsha, ustaǵany qasqyrdyń qanshyǵy eken.
«Qolyma myltyq alyp shyqqan kezimde aldymnan qasqyr kezdesken emes. Jolaı qoıshylardyń úıine soqtym. Bir qyzyǵy, ıtterdiń baılaýda jatqan túz taǵysyna bettep kele almady. Eldiń aýzynda aıtylatyn «Ittiń syrttany ǵana qasqyrdy alady» degen sózdiń rastyǵyna taǵy bir márte kózin jetkizdim», - dedi ol.