Qyzylordalyq turǵyn ystyq qubyrlardyń arasyna qysylyp qaldy
QYZYLORDA. QazAqparat - Qyzylordada er adam jylý qubyrlarynyń arasyna qysylyp qaldy, dep habarlaıdy QazAqparat tilshisi.
Oqıǵa Amangeldi Imanov jáne Álıhan Bókeıhan kósheleriniń qıylysynda bolǵan. Qutqarýshylar 46-jastaǵy er adamǵa kómekke der kezinde jetken. Olar qubyrdy arnaıy qurylǵymen kesken. Keıin zardap shegýshi jedel járdem qyzmetine tabystaldy. Qutqarý jumystaryna 5 maman men 1 arnaıy tehnıka jumyldyryldy.
«Qazir jylý qubyryndaǵy temperatýra 65 gradýsty quraıdy. Zardap shekken adam ólip kettýi de múmkin edi. Qasynda bolǵan adam bizge dereý habarlasty. Bizdiń mamandar jyldam áreket etti. Mundaı jaǵdaı eki jyldaı buryn bolǵan edi. Onda osyndaı jaǵdaıǵa dýshar bolǵan eki adamnyń biri kóz jumdy», - dedi Órt sóndirý jáne apattyq-qutqarý qyzmetiniń jedel qutqarý jasaǵynyń basshysy Baqyt Embergenov.
