Qyzylordalyq toǵyzqumalaqshylar el chempıony atandy
QYZYLORDA. QazAqparat - Toǵyzqumalaqtan erler arasynda el birinshiliginde Qyzylorda oblysynyń quramasy jalpykomandalyq esepte birinshi oryn aldy, dep habarlaıdy QazAqparat tilshisi.
El birinshiligi Aqtóbe qalasynda ótkizildi. Qyzylordalyq komanda quramynda Qazaqstanǵa eńbek sińirgen sport sheberi Hákimjan Eleýsinov, sport sheberi Beksultan Bostandyqov jáne sport sheberine úmitkerler Ermuhamed Áláıdar, Raýan Ybraı, Asylbek Qarjaýbaev jáne Damır Ahmetov boldy. El birinshiliginde Ermuhamed Áláıdar, Raýan Ybraı, Asylbek Qarjaýbaev, Damır Ahmetov Qazaqstan Respýblıkasynyń sport sheberi normatıvin oryndady.
El birinshiligine barlyǵy 13 óńirdiń komandalary qatysty. Jalpykomandalyq esepte Shymkent qalasy ekinshi, Pavlodar oblysy úshinshi oryndy ıelendi.
Aıta keterligi, ústimizdegi jyldyń 14-20 aqpan aralyǵynda Kókshetaýda áıelder arasynda QR komandalyq chempıonaty ótkiziledi.
