Qyzylordalyq tennısshi Eýropa kýbogynda jeńiske jetti
QYZYLORDA. QazAqparat - Túrkııanyń Antalııa qalasynda ótken tennısten jasóspirimder arasyndaǵy Eýropa kýbogynda qyzylordalyq Erasyl Erdilda birinshi oryn aldy, dep habarlaıdy QazAqparat tilshisi.
Atalmysh jarysta ol óziniń daıyndyq deńgeıi joǵary ekenin kórsetti. Qarsylastarynyń barlyǵyn aıqyn basymdyqpen jeńdi. Osylaısha jeńimpaz tuǵyrynan kórindi.
Erasyl budan burynǵy jyldarda da kóptegen halyqaralyq jarystarda baq synap keledi. Ol saıystarda joǵary jetistikterge qol jetkizdi. Búginde qyzylordalyq tennısshi - elimizdiń qurama komandasynyń múshesi.
Erasyl taıaýda taǵy bir halyqaralyq jarysqa qatysýdy josparlap otyr. Bul báseke Malaızııada ótedi.
