Qyzylordalyq tanystaryn taqyrǵa otyrǵyzyp ketti
QYZYLORDA. QazAqparat - Qyzylorda oblysy Qazaly aýdandyq sotynda alaıaqtyq qylmysyna jol bergen jergilikti turǵynǵa úkim shyqty, dep habarlaıdy QazAqparat tilshisi.
Ol birneshe márte jurttan aldap, aqsha alǵan. Tanysynan balasyn jumysqa turǵyzýǵa qol ushyn sozamyn dep aqsha alǵan. Endi birinen 733 myń teńge alsa, endigi birinen 1 mln 684 myń teńge ıemdengen. Sondaı-aq, endigi birinen 300 myń teńge alsa, taǵy biri onyń qolyna 600 myń teńge ustatqan.
«Basty sot talqylaýynda sottalýshy A.-nyń aıyby óziniń aıybyn moıyndap bergen jaýabymen birge, jábirlenýshilerdiń jaýaptarymen, istegi jınaqtalǵan basqa da qujattarmen tolyq dáleldendi», - dep jazylǵan aýdandyq sottyń taratqan habarlamasynda.
Qazaly aýdandyq sotynyń úkimimen sottalýshy A. Qylmystyq kodeksiniń 190-baby 2-bóliginiń 2-tarmaǵymen kináli dep tanyldy. Ony eki jyl merzimge bas bostandyǵynan shekteý jazasy taǵaıyndaldy.
